+24 °С
Зоръёслэн
Общество
17 Июля 2024, 05:10
Инкуазь сярысь ӵошен сюлмаськоно
Башкортостанын 4,5 сюрслэсь трос культурной но археологической памятникъёс лыдъясько. 1,5 сюрслы матэ – пещераос, 13 сюрс – шуръёс, 450-лы матэ - тыос но ӵыпетъёс, куинь – кун заповедникъёс но национальной инкуазь паркъёс. Соос туж шулдыресь, соин пӧртэм интыосысь туристъёсты бордазы кыско
Инкуазь сярысь ӵошен сюлмаськоно
Кылем арын, кылсярысь, республикае огъя кык миллионлэсь трос калык вуиз, регионлэн чебер интыосыныз тодматскиз. БР-ысь Правительстволэн премьер-министрезлэн Андрей Назаровлэн кылъёсызъя, кивалтэтын тыршисьёслэн туннэ нуналлы одӥгез валтӥсь ужпумзы – Башкортостанын шутэтскисьёслы ӟеч луонлыкъёс кылдытон.
- Несанкционированной свалкаос инкуазьлы изъян ваё, адямиослэн тазалыксылы кышкытлык кылдыто. Соин жуг-жаг куян интыос сярысь пыр-поч малпаськоно, та ужлы саклык висъяно, - вера А. Назаров.
Жуг-жаг куян интыос пумысен трос ужало ке но, сюрес, шур дуръёсысь жаген люкъёсты ӵем адӟиськом. Со понна штрафъёс чакламын.
Одӥгаз кенешонын Андрей Назаров регионысь Минтранслы ӵектонэн вазиськиз, муниципалитетъёсысь администрациосын кенешыса, сплавъёсы пырон, сплавъёслэн бырон интыосазы жуг-жаглы контейнеръёс пуктоно шуыса. Отысь жагез поттыны нимысьтыз техника висъян сярысь сюлмаськоно.
