Шаермес утисьёслы котькин юрттыны быгатэ

Сое керттон бордын трос калык тырше. Куд-ог интыосын маскировочной сеть керттонъя нимысьтыз центръёс но кылдытэмын. Кылсярысь, Янаул ёросын кык ар ӵоже ни «Шьём для героев. Янаул» волонтёръёслэн огазеяськонзы ужа. «Милям керттэм масксетьмы одӥг адямилэсь ке но улонзэ утиз, со туж бадӟым шуд, шумпотон», - шуо волонтёръёс.

Тросаз гуртъёсын но масксетка керттон радъяьке. Отчы котькуд мылкыд карись адями пыриське. Соос шаермес утисьёсмы асьмелэсь юрттэтмес мед шӧдозы шуыса сюлмасько. Кылсярысь, Янаул ёросысь Барабановкаысь клубын та уж дугдыса но уг улы. Отчы бускель гуртъёсын улӥсьёс но вуыло. «Ӵошен кариськыса асьмелэн ваньмыз пӧрмоз», - Барабановкаын масксеть керттӥсьёслэн ужзылы вылӥ дунъет сётыса вотэс бамаз гожтэ Янаул ёрос администрациен кивалтӥсь Салават Гильмиев.

Керттэм масксеткаосты гуманитарной юрттэтэн ӵош СВО-е пыриськисьёс доры лэзё. Янаул ёросысь огъя 19 конвой келямын. "Нимысьтыз военной операция мынон интые матысь дыре нош ик черодысь гумконвой келяломы", - вера С. Гильмиев. 

Фото: соцсети Салават Гильмиев