Бирскын семьялы сӥзем фестиваль ортчиз

Бадӟым ужрадэ Башкортостанлэн тӧроез Радий Хабиров кузпалыныз пыриськиз. Соос интерактивной площадкаосын, нылпиослы шудон интыосын, пӧртэм ӧръёсъя дасям адӟытонъёсын тодматскизы. Со сяна,фестивальын выжыкылъёслы сӥзем азбаръёс дасямын вал. Соосты радъязы республикаысь Калыкъёслэн эшъяськон юртсылэн филиалъёссы. Удмуртъёслэн историяя но культурая центрзы удмурт лулчеберетэн тодматӥз. Удмурт азбаре пырись котькуд адямиез Лӧпшо Педунь шулдыртӥз. Та ролез шудӥсь Павел Кутергинлэн арганэз киысьтыз но ӧз усьы, эктон гуръёс чик ӧз чалмытске. Со лумбыт ӵоже ваньзылы задор мылкыд кузьмаз.

- Милемлы возьматоно вал удмурт калык выжыкыллэсь люкетсэ, тодматоно вал выжыкылысь героен но удмурт семьяен, - вера БР-ысь удмуртъёслэн истрияя но культурая центрысьтызы валтӥсь ӧнерчи Ирина Самигулова. – Ми Лӧпшо Педунен тодматӥм. Та бадым ужез лэсьтыны юрттӥзы «Эшъяськон тугоко» нылкышно клублэн ёзчиосыз, историяя но культурая ценртлэн ужаз мыло-кыдо пыриськисьёс. Соослы бадӟым тау шуисько.

Фото: Удмуртский историко-культурный центр