«Усточикар» пиналъёсты пумиталоз

Со 21 нунал ӵоже ужалоз. «Усточикаре» 7-15 аресъем нылпиос шутэтскыны лыктыны быгато.

Куинь арня куспын пиналъёс трос эшъёс шедьтозы, вылезлы дышетскозы. Котьку сямен, туэ но «Усточикарын» удмурт калык лулчеберетлы, сям-йылолъёслы, вордскем кыллы саклык висъяськоз. Шутэтскисьёс понна сизьым пӧртэм ӧръёс ужалозы: «Декоративно-прикладное искусство», «Театр», «Фольклор», «Эстрада», «Журналистика», «Дизайн удмуртской одежды», «Лидер». Ӧнерчиос, вожатойёс нылъёслэсь но пиослэсь дырзэс пайдаё но тунсыко ортчытон сярысь сюлмаськозы. Нылпиос понна квестъёс, флешмобъёс, мастер-классъёс, театральной постановкаос радъяськозы, соос командаен ужаны дышетскозы.

Фото редакцилэн архивысьтыз басьтэмын.