Семьялы сӥзем площадка ужаз

Гуртын «Люблю тебя, моя деревня» ужрад ортчиз. Со улсын семьялы сӥзем площадка ужаз. Отчы котькуд мылкыд карись пыриськыны быгатӥз. Тунсыко мастер-классъёс тужгес но бордазы кыскизы пичиосты. Соос «Семья – остров счастья» суредъёсъя конкурсэ пыриськизы: семьязэс, Семьялэн арезлы сӥзем символэз, ромашка сяська суредазы, собере соосты адӟытонэ интыязы. Нылпиос сяськаослэсь тугоко лэсьтонъя мастер-классэ но пыриськизы, фотозонаын туспуктэмъёс лэсьтӥзы.

Фото: Большегондырский Дом Культуры