Пиналъёс трос эшъёс шедьтозы, вылезлы дышетскозы

«Усточикар» лагере лыктӥсьёслы «Учёт детей и подростков Республики Башкортостан, нуждающихся и пользующихся услугами отдыха и оздоровления» ГИС-лэн сайтаз (https://rest.edu-rb.ru/external/external_camps?name=комарова) регистрация ортчыса, путёвка басьтоно (дуныз 7 497 манет), медосмотр ортчоно. Лагере лыктыку сьӧрын луыны кулэ документъёс: вордскем сярысь свидетельстволэн копиез, 14 арес тырмемъёслы - паспортсылэн копиез, ИНН, пенсионной страховой свидетельство, дерматологлэн но педиатрлэн заключениенызы справка (ф079-У), алясь висёнъёслэн луымтэзы сярысь справка (ф №291).

«Усточикар» лагерь Татышлы ёросадминистрацилэн, Башкортостанысь удмуртъёслэн национально-культурной центрзылэн, республикаысь удмуртъёслэн историяя но культурая центрзылэн кичӧлтэмзыя, БР-ысь Дышетонъя министерстволэн юрттэмезъя радъяське. Со Татышлы ёросысь Комаров нимо шутэтскон нылпи лагерьын ортчоз. Кылдэм юанъёсын вазиськыны луэ Татышлы ёросысь дышетонъя ёзэтэн кивалтӥсьлы Руслан Алдафович Бадертдиновлы (89276375735), БР-ысь удмуртъёслэн НКЦ-енызы кивалтӥсьлы Людвиг Латыпович Зидымаковлы (89273067848), БР-ысь удмуртъёслэн ИКЦ-ысьтызы валтӥсь ӧнерчилы Ирина Муллаяновна Самигуловалы (89270859393).  

Фото редакцилэн архивысьтыз басьтэмын.