+28 °С
Салкым
Общество
8 Июля 2024, 16:27
Ӵошен ужаны капчи
Гужем куазь гурт калыклы шутэтскыны уг сёты. Угось вакытаз вуэм емышез но интыяно, пудоослы турын но дасяно.
Ӵошен ужаны капчи
Калтасы ёросысь Кургак гуртын улӥсьёс но гужемлэсь «пӧсь» вакытсэ умой шӧдо. Зоръёслэсь кышкаса, татысь калык ури-бери турын дасян ужъёс бордын тырше. Ӵошен ужаны дышем калык турынэз но валче дася. Угось тазьы мылкыд но ӝутске, уж но ӝоггес мынэ. Кургакысь калык котьку ог-огзэс валаса но ог-огзылы юрттыса улэ. Соин ик вань ужъёсты соос ӵошен быдэстыны тыршо.
