Гурт калык сям-йылолъёсты уг вунэты

Та гуртын улӥсьёс удмурт калыклэсь сям-йылолъёссэ сӥлы каро. Соин, лэся, «Лудэ пырон» вӧсьсэс но арлы быдэ радъяло. Инмарлы вазиськон ужрадэс ортчытыны берло  кык ар ӵоже Евгений Нуритдинов коньдонэн юрттэт каре. Пиосмурт кемалась ини Вылысь Тыхтемын уг улы ке но, вордскем интызэ но калыксэ уг вунэты. Со сяна, туэ вӧсез ортчытыны Люция Шафиковалэн семьяез но юрттэт кариз: соос ыжпи сётӥзы.

Вылысь Тыхтемын «Лудэ пырон» вӧсь калыклы котьку но праздник кадь потэ. Та ужрадэ гуртоос гинэ ӧвӧл, соослэн мукет палан улӥсь нылпиоссы но матысьёссы люкасько. Вӧсьсы ӝук сиёнэн гинэ уг йылпумъяськы, гуртысьтызы культура юртын ужасьёс ужрадэ вуэмъёслы пӧртэм конкурсъёс но шудонъёс дасяло.

Фото: Верхнетыхтемский сельский дом культуры