Шутэтскыны вакыт шедьто

Кожалод, гужем вуэмен гурт калык шутэтскон сярысь вунэтэ. Угось татын ужъёслэн быронзы ӧвӧл: бакчаысь жуг-жагез утялтоно, пудолы турын дасяно, аслыд но емышъёсты вакытаз бичаны вутсконо. Нош Бадӟым Качакысь арлыдоос уж понна гинэ уг уло. Соослэн кылъёссыя, улонын ваньзэ радызъя лэсьтыны кулэ. Ужлэн, пе, пумыз уз поты, нош адямилы тазалыкез сярысь но малпаськоно. Соин ик гуртоос арняяз одӥг пол культура юртэ шашкиен но шахматэн шудыны люкасько. Со сяна, кышномуртъёс ёзвиоссэс гимнастикаен но кыдато. Таӵе пумиськонъёс гурт калыкез огазеяло, капчи мылкыд кузьмало.

Фото: Большекачаковский Сдк