Шаермес утисьёслы юрттэт возьматон азинске

Ёросысь волонтёрской клублэн филиалъёсыз Ермекейын, Купченейын, Суккуловоын, Абдулкаримовоын азинлыко ужало. Соос нимысьтыз военной операцие пыриськисьёслы юрттэт возьматон вылысь усьтӥськизы. Кызьы гожтэ Э. Шафикова Ермекей ёрос администрацилэн вотэс бамысь группаяз, клублэн ёзчиосыз та дыре огъя 600 квадрат метр маскировочной сеть кертто. Со, кылсярысь, куамын техникаез, блиндажъёсты шобыртыны тырме.

«Здесь и сейчас» клублэн ёзчиосыз доры СВО-ысь отпуске бертэмъёс но вуыло. Пумиськонъёссы туж пайдаё луо, вераськыса, соос ӵошен быдэстон ужъёссы сярысь кенешо, азьланяз лэсьтоно ужъёссы сярысь малпасько.

Фото: Ермекеевский район Республики Башкортостан