Совето Союзысь Героез буре вайыса

Соос пӧлысь одӥгез – Совето Союзысь Герой Тимиряй Кубакаев. Та нуналъёсы солы 105 арес тырмысал. Дано улосчимес буре вайыса, Тюльди гуртын ортчем ужрадэ трос калык люкаськиз. Торжественной митинге Калтасы ёрос администрациен кивалтӥсьлэн социальной ужъёсъя воштӥсез Файруза Гафарова, Янаул но Калтасы ёросъёсысь военком Марат Харисов, Краснохолмскийысь Ветеранъёслэн кенешенызы кивалтӥсь Дамир Хузин но мукетъёс. Соос Т. Кубакаев сярысь трос ӟеч кылъёс веразы, солэсь шаерзэ, калыксэ гажась луэмзэ пусйизы.

Героез сӥлы карон ужрадэ бускель гуртъёсын улӥсьёс но вуизы. Бадӟым Туганеевоысь «Марӟан» ансамбль учкисьёслы шулдыресь кырӟанъёссэ кузьмаз. Со нуналэ Тюльдиысь историко-краеведческой музее экскурсия радъямын вал. Отын Т. Кубакаевлэн улон сюресэныз пыр-поч тодматскыны луиз.

Фото: Тюльдинский сельский Дом культуры