Песятайёсмылэн, ӵужатайёсмылэн нимъёссы асьме пӧламы улозы

Кайгуо но буре ваён нунал азьын Татышлы ёросысь Ялгыз-Нарат, Аук-Буляк но Юда гуртъёсын Быдӟым Атыкай ожын бырем ожгарчиослы, воин-интернациналистъёслы но нимысьтыз военной операциын быремъёслы обелиск усьтон ужрадъёс ортчизы.

Юда гуртын Быдӟым Атыкай ожын бырем ожгарчиослы обелиск усьтӥзы. Сое «Единая Россия» партилэн «Реальные дела» проектэз улсын ӝутӥзы. Озьы ик бадӟым юрттэт возьматӥзы гурт калык но татын вордӥськыса туннэ палэнын улӥсьёс. Обелиске Юда но Салаевка гуртъёсысь ожгарчиослэн нимтулъёссы гожтэмын. Юда гуртысь Быдӟым Атыкай оже 72 адями кошкиз. Соос пӧлысь 30-эз гинэ Вормонэн бертӥз. Нош 42 ожгарчиос весяклы ож лудэ кылизы. Озьы ке но сайкыт инбаммы понна бырем песятайёсмы, ӵужатайёсмы котьку пӧламы улозы, соос ноку уз вунэ.

(Материалэн пыр-почгес тодматскыны быгатоды газетмылэн вуоно номераз).

Туспуктэмъёсыз Алексей Самирзяновлэн.