Гуртлэсь старостазэ Данъян грамотаен пусйизы

Ужрадэ Башкиръёслэн быдэсдунне курултайзылэн президиумезлэн кивалтӥсез, РФ-ысь Кун Думаысь депутат Эльвира Аиткулова ивор вӧлмытӥсьёсты но башкиръёслэн курултайзылэн ужаз мыло-кыдо пыриськисьёсты огазеяськонлэн Данъян грамотаеныз пусйиз.

Соос пӧлын луиз Бурай ёросысь Алтаулэн старостаез Виктор Сабирьянович Марданов но. «Трезвое село» республика конкурсэ пыриськыкузы со гуртазы ортчем ужрадъёс сярысь вотэс бамазы гожъяз, Башкортостанысь но Удмурт Элькунысь СМИ-осын ӟеч кусып тупатӥз.