Вормон понна трос уж лэсьтӥське

Ож лудысь улосчиосмылы гумконвой келянэз муниципалитетъёслэн администрациоссы предприятиосын,  ужбергатӥсьёсын, мылкыд карись адямиосын кенешыса радъяло.

Республикаямы одӥг нуналлы но дугдыса уг улы маскировочной сеть керттон уж. Та ужез арлыдоос но, егитъёс но, пиналъёс но быдэсъяло. Кылсярысь, оштолэзь пумын «Башкортостан» мотострелковой полкысь ожгарчиосмы доры куинь сюрс квадрат метрлэсь трос масксеть вуиз. Сое Туймазы ёросысь «Маскита» штабысь волонтёръёс керттӥзы. Штабен кивалтӥсьлэн Разифа Маннаповаэн кылъёсызъя, масксеткаос пиосмылэсь улонзэс утё, соослэсь позициоссэс, блиндажъёссэс, техниказэс тушмонлы адскисьтэм каро.

Татышлы ёросысь Кызыл-Ярын улӥсьёс но масксеть кертто, ужазы соос сюлэм шунытсэс, ӟеч сӥзёнъёссэс пуно.

Тодады вайытӥськом: шаерысьтымы мылкыд карисьёсты контрактэн военной службае куто. Контрактэн служба пумысен вазиськыны луэ:

- огъя юалляськон номере – 117;

- ситуационной центре – 122 яке 8 (347) 218-19-19;

- БР-ысь военной комиссариатлэн пунктаз – 8 (347) 248-29-31 (Уфа, Революционная, 156);

- «Мои документы» МФЦ-лэн офисъёсаз;

- башбат.рф сайтэ;

- Телеграм мессенджерысь контрактэн службалы но СВО-е пыриськисьёслы но соослэн семьяоссылы юрттэт возьматонъя чат-ботъёсы.