Нылпи лагерьын котькуд нунал тунсыко ортче

Нырысетӥ нуналэ татын отрядъёслы ним малпазы, соослы командир бырйизы. Со сяна, пиналъёс шутэтскыны, шудыныны но вутскизы.

Лагерьлэн кыкетӥ нуналэз нылпиослы вордскем шаеренызы дынъяськон мылкыд пыӵатонлы сӥземын вал. Покчи классъёсын дышетскисьёс  «Наследники Победы» кино учкизы, бадӟымъёс – «Сестрёнка». Собере ваньзы ӵошен культура юртэ дасям  «Великого мужества вечный урок» фотоэкспозициен тодматскизы. Та нуналэ пиналъёс валазы, соослэн песяй-песятайёссы асьмелэн шудо улонмы понна кужымзэс, улонзэс жалятэк ужазы но ожмаськизы шуыса.