+28 °С
Салкым
Общество
4 Июне 2024, 09:14
Бадӟым Гондырысь семьяез гадьпусэн данъязы
Пермь шаерлэн губернаторез Дмитрий Махонин Куеда ёросысь Бадӟым Гондырысь Светлана Галинуровна но Арсений Зияфедтинович Гафетдиновъёсты «За достойное воспитание детей» гадьпусэн данъяз.
Бадӟым Гондырысь семьяез гадьпусэн данъязы
Светлана но Арсений Гафетдиновъёслэн семьязы 31 ар ар талэсь азьвыл кылдэмын. Соос 11 пиналъёслэн анай-атайзы луо. Нылпиос пӧлысь куинез асьсэлэн, тямысэз – приёмной. Гафетдиновъёс нырысетӥзэ пиналзэс 2007-тӥ арын асьсэлэн шуныт бурд улазы басьтӥзы. Со дырысен трос дыр ортчиз ни. Табере Гафетдиновъёслэн семьязы но шӧдскымон будӥз. Соос мукетъёслэсь тупаса, ог-огзэс валаса улэменызы, тазалыко улонэн эшъяськеменызы висъясько.
