Ошмесэз сяськаос чебертозы

Удмурт калык ошмесэз утьыны тырше. Угось вашкала дырысен удмуртъёс вулэн бадӟым кужымезлы оско. Соин ик  гуртъёсын ошмесъёс котьку утялтэмын, липет улэ пыртэмын но писпуосын котыртэмын луо. Бадӟым Туганеевоын но чылкыт вуэз вылӥ дунъяло. Кылсярысь, егитъёс сюан шудыкузы, одно ик гуртысьтызы ошмес доры вуо. Татысь арлыдоослэн верамзыя, жильыртӥсь ву семья кусыпъёсты чылкыт но шудо каре.  Та нуналъёсы Бадӟым Туганеевоысь кышномуртъёс, ӵошен люкаськыса, ошмес котырзэс чебертыны малпазы. Дорысьтызы сяськаоссэс вайыса ву дуре мерттӥзы. Табере котькуд гужем без сӥзьылозь ошмессы сяська пӧлын луоз, татчы вуись калыкез шумпоттоз.

Фото: Зульфира Гареева-Минляхметова.