"Чакара" фестивалез радъян сярысь вераськизы

Та нуналъёсы отчы дасяськон мынэ. Туннэ, 25-тӥ мае, Янаул ёрос администрациын кенешон ортчиз. Сое Камсьӧр удмуртъёслэн огазеяськонэнызы кивалтӥсь Ф. Чибышева нуиз. Кенешонэ Башкортостанысь удмуртъёслэн НКЦ-зылэн Кенешезлэн ёзчиосыз, Татышлы, Калтасы ёросъёсысь гурт поселениослэн администрациосынызы кивалтӥсьёс, школаослэн директоръёссы, культура удысын тыршисьёс но мукетъёс пыриськизы. Фестиваль улсын ньыль площадка ужалоз. Одӥгез егитъёслы сӥземын луоз, кыкетӥез фольклор коллективъёсты огазеялоз, куинетӥез – этнодискотека. Нош ньылетӥез площадка 30-тӥ июне ужалоз. Соку Вуж Варашын «Элен вӧсь»  ортчоз.

Кенешон сабантуй возь вылын йылпумъяськиз. Отын фольклор коллективъёслэн концертсы но этнодискотека ортчоз.