Удмуртъёс асьсэды учкымон возьматӥзы

Ужрадэ ёрос Кенешысь депутатъёс, гурт поселениосысь администрациосын но школаосын кивалтӥсьёс, дышетӥсьёс пыриськизы. Озьы ик собрание ӧтем куноос но вуизы. Соос пӧлын вал Уфаысь многопрофильной колледжлэн кивалтӥсез С.Б. Баязитов, Башкортостан Республикаысь Госсобрание-Курултайлэн тӧроезлэн воштӥсез Т.М. Тансыккужина.

Озьы ик ужрадын ёросысь пӧртэм калыкъёслэн огазеяськонъёссы ас калыксылэн лулчеберетэныз тодматӥзы. Калтасы ёросысь удмуртъёслэн огазеяськонзылэн ёзчиосыз собрание пыриськисьёсты удмурт коркаын пумитазы. Татын соос удмурт калыклэсь киужъёссэ, диськутъёссэ но улэм-вылэмзэ возьматӥзы. Дасям возьматонзы учкымон но синмаськымон пӧрмиз. Куноос удмурт коркаез вылӥ дунъязы.