+28 °С
Салкым
Общество
24 куартолэзе 2024, 15:52
«Китап-байрамын» интерактивной юрта ужа
Туннэ, 24-тӥ мае, «Китап-байрам» книжной ярмарка улсын интерактивной юрта ужаз.
«Китап-байрамын» интерактивной юрта ужа
Со куноосты шаерысьтымы пӧртэм калыкъёслэн историенызы но сям-йылолъёсынызы тодматӥз.
Юртаын тунсыко мастер-классъёс ортчизы. Туннэ соос куроен ужанлы сӥземын вал. Мастер-классэз нуиз пӧртэм конкурсъёслэн лауреатсы, «Сябры» коллективын кырӟась Любовь Втюрина. Юрта вӧзын БР-ысь культура удысысь сӥё-дано ужась Энгельс Галиакберов пулэсь кубызэн шудыны дышетӥз. Та вакытэ ик башкиръёслэн эктонэнызы, белорусъёслэн «Гукание вясны» йылолэнызы тодматскыны луиз.
«Китап-байрам» ярмаркае вуылӥсьёс куинь нунал куспын республикаямы улӥсь калык но соослэн культуразы, сям-йылолъёссы сярысь трос выльзэ но тунсыкозэ тодозы.
