Башкортостанысь дышетӥсьёс Луганске ужаны мынозы

Соин татын «Земский учитель» проект быдэстӥськыны кутскиз. Отчы Луганскын улӥсьёс гинэ ӧвӧл, Россилэн пӧртэм регионъёсысьтыз дышетӥсьёс пыриськыны мылкыд каро. ЛНР-ысь дышетонъя министрлэсь ужзэ быдэсъясьлэн Евгений Мирошниченколэн кылъёсызъя, та нуналэ 200-лэсь трос заявка вуэмын ни.

«Программае пыриськыны мылкыд карисьёс пӧлын вань Башкортостан Республикаысь, Северная Осетияысь-Аланияысь, Челябинск, Курск, Свердловск, Тюмень но мукет улосвылъёсысь дышетӥсьёс. Гурт школаосын ӟуч кылъя но литературая, историяя, математикая, физикая, химияя дышетӥсьёс уг тырмо. Проектэ пыриськисьслы 1 млн манет тыр коньдон сётӥськоз», - вера министрлэсь ужзэ быдэсъясь.

Фото:Эдуард Кускарбеков