Мушлэн нуналэз задор ортчиз

Та лыдпус улсын Калтасы ёросысь Бадӟым Качак гуртысь культура юртын ужасьёс нылпи садэ ветлӥсьёсын тунсыко ужрад ортчытӥзы. Нырысь ик пичильтокъёс мушъёслэн кылдэм но азинтӥськем сюресэнызы тодматскизы, соослэсь пайдалыксэс пыр-поч эскеризы. Трос выль тодон-валан басьтыса, нылпиос  пӧртэм шудонъёсы но конкурсъёсы пыриськизы. Кылсярысь, мушъёс выллем сяськаысь сяськае бызьылӥзы, чечы люказы. Ужрадзы задор мылкыдъем пӧрмиз. Нылпиос кӧттырымон шудӥзы, тэтчазы но серекъязы.