Ӵошен ужаны капчигес

Кылсярысь, та нуналъёсы Чиндэр гуртын улӥсьёс пудо уллёзылэсь ветлон возьзэ электропастухен котыртӥзы. Жаляса верано, туннэ нуналэ гуртазы пудо вордӥсьёслэн лыдзы трослы кулэсмемын. Пиосмуртъёс тросэз вахта амалэн ужало, нош кышномуртъёс «Победа» ООО-ын тыршо. Пудолэн лыдыз ӧжыт луэмен, уллёез возьманы но ӵемгес  потано луэ. Та выллем ужпум гурт калыкез кемалась ини сюлэмшугъяськытӥз. Соин ик чиндэръёс, гуртысьтызы Зита Шарипзяновалэн кичӧлтэмезъя, кемалась малпам ужзэс быдэстоно кариськизы. Ӵошен люкам коньдонэнызы кулэ луись макеез басьтӥзы, ӵошен ик элетропастухез тупатӥзы. Пиосмуртъёс ужаку, кышномуртъёс тыл вылын сиён пӧразы.  Ужзэс йылпумъяса, ваньзы ӵош пӧсь сиёнэн кунояськизы.

Фото: Зита Шарипзянова