Пумиськон шуныт мылкыдэн пыӵамын вал

Туннэ нуналэ шаермылэн пӧртэм интыосысьтыз воргоронъёс асьмелэн шудо улонмы понна  улонзэс жалятэк ожмасько. Нимысьтыз военной операция кутскем дырысен калыкмы соослы юрттэт сётыны тырше. Угось таӵе вакытэ Россиын улӥсьёс сьӧд кужымлы ваче кариськыса султӥзы. Соин ик котькуд анай муртлэсь пизэ но аслэсьтыз кадь вите, со понна Инмарлы вазиськыса куриське.

Нимысьтыз военной операциысь бертӥсез гуртъёсын  сюлмысь шумпотыса пумитало, одно ик соин пумиськыны вуо, куное вазьыны тыршо. Кылсярысь, та нуналъёсы Вылысь Тыхтемысь пиосмурт СВО-ысь шутэтскыны вуиз. Гуртысьтызы  культура юртын ужасьёс  соин пумиськыны дораз ветлӥзы. Вераськонзы шуныт мылкыдэн пыӵамын вал. Нимысьтыз военной операцие пыриськись воргорон вуэм куноослы котьма ласянь юрттэмзы но гажаса пумиськыны лыктэмзы понна тау кылъёссэ вераз.

Фото: Верхнетыхтемский сельский дом культуры