Гурт калык картофка мерттон борды кутскиз

Куартолэзе инкуазь шулдыр, шуныт куазеныз уг шумпотты угось. Нырысь нуналлы быдэ сямен я зориз, я лымыяз, табере уйлы быдэ кынтэ. Соин картофка мерттон борды но куартолэзьлэн ӝыныяз гинэ кутскизы. Нош кылем арын Быдӟым Вормон Нуналозь тросэз бакча ужъёссэс йылпумъязы ни вал.

«Азьвыл сабантуй нуналэ но алма мерттӥмы, - верало Татышлы ёросысь Петропавловкаын. – Озьы ке но ноку алматэк (озьы шуо татын картофкаез) ӧм кыле. Туэ но бакчамы буш уз луы». Петропавловкаын тросэз картофка мерттӥзы ни. Нош кубиста, сугон но мукет бакча сиён мерттонэн уг дырто на – кезьытъёс, пе, мед ортчозы.