Янаул ёросысь удмуртъёслэн нырысетӥ вӧсьсы ортчиз

Отчы люкаськем калыкез пумитаса вераськиз Шудек гурт поселенилэн администрациеныз кивалтӥсь С. Н. Байдуллин. Со таӵе ужрад гурт калыкез огазея шуыса вераз. Со сяна, вӧсь лулчеберетэз, сям-йылолъёсты утьыны но сое пиналъёслы выжтыны юрттэ. Вӧсе люкаськем калык нырысь Шады шур дурез тазатӥз. Отчы бадӟымъёс но, пиналъёс но шумпотыса пыриськизы. Нош собере ваньзы ӵошен куриськем ӝук сиизы, пӧсь чай юизы. Та нуналэ шудекъёс Инмар-Кылчинлы шуныт зор, ӟеч ю тысь курыса вазиськизы, тылпулэсь утьыны куризы.