Алтауос Кисьтонэз ортчыто

Та нуналъёсы, Быдӟымнал арняез келяса, удмуртъёс Кисьтон йылолэз ортчыто. Арлыдоос но, егитъёс но та выллем йылолэз арлы быдэ сӥзьыл но тулыс пусйыны тыршо.  Кисьтонэ удмурт калык кулэм  ӵыжы-выжыоссэ тодаз вае, соослэсь капчилык курыса шайвылэ мынэ.

Бурай ёросысь Алтау гуртын но Кисьтонэз сӥлы каро. Кылсярысь, та нуналъёсы кышномуртъёс Фарига Камалова доры люкаськизы. Лыктэм куноос, вань кулэмъёслэн азязы уськытыса, ческыт пыжем-пӧзьтэмъёсын чай юизы.

Та выллем пумиськонъёс удмурт калыкез ас выжызэ утьыны дышето, мылкыдэз ӝуто, азьпалан улыны кужым сёто.