Удмуртъёслэсь историяя но культурая центрзэс тупатон борды кутскизы

«Тупатӥськон ужъёс йылпумъяськем бере удмуртъёслэн историяя но культурая центрзы трос калыкез бордаз кыскыны быгатоз. Башкортостанысь удмуртъёс кылзэс, лулчеберетсэс, сям-йылолъёссэс, осконзэс  утьыны быгатӥзы, - вера Татышлы ёрос администрациен кивалтӥсь Ф. Р. Шайхисламов. – Кылем арын ёросамы Башкортостан Республикалэн тӧроез Радий Хабиров вуылӥз. Со дырысен татын трос уж быдэстэмын: проект дасямын, госэкспертиза ортчемын. Центрын азьланяз трос пӧртэм ужрадъёс ортчылозы. Выль Татышлыын, Радий Хабировлэн куремезъя ик,  удмурт полилингвальной школа усьтӥськоз . Шумпотӥсько, Радий Хабиров регионын улӥсь калыкъёслэсь культуразэс, сям-йылолъёссэс утёнлы бадӟым саклык висъя шуыса».