Калтасыын юбиляръёсты ӟечкылазы

Та нуналэ ёросысь культура юртэ ӝыны даур  ӵошен улон сюрести вамыштӥсь семьяос люкаськизы. Соос пӧлын луизы Кургак гуртысь Галина но Гафуръян Камаловъёслэн, Чиндэрысь Анна но Владимир Минлибаевъёслэн семьяоссы.

Концертэз усьтыса но люкаськем калыкез пумитаса Калтасы ёрос администрациен кивалтӥсьлэн нырысетӥ воштӥсез А.И. Горев вераськиз. Со ваньзэсты тужгес но кулэ луись праздникен ӟечкылаз. Солэн кылъёсызъя, учкымон семьяос луэмен гинэ шаермы йыг-йыг азьпала вамыштэ.

Концертлэн котькуд номерез шуныт семья кусыпъёсты данъян мылкыдэн пыӵамын вал. Кырӟась-эктӥсьёс учкисьлэсь сюлэмзэ вырӟытыны быгатӥзы. Люкаськем калык котькуд артистэз юн кичабонъёсын пумитаз.

Фото: газета «Калтасинская заря»