Ужрадъёсы шумпотыса пырисько

Семья кусыпъёсты, дунлыкъёсты юнматонлы, сям-йылолъёсты утёнлы сӥзем трос проектъёсты но туэ улонэ пыӵатыны чакламын. Кылсярысь, «Всей семьёй» проект. Со трос семьяосты огазеяз. Проект улсын кузпалъёслы нылпиосынызы ӵош пӧртэм ужъёс быдэсъяно луиз. Калтасыысь Чулковъёслэн семьязы проектэ мылысь-кыдысь пыриськиз. Соос проектлэн региональной этапаз вормисе потэм 30-лэсь трос семьяосын ӵош Уфае ӟечкылан ужрадэ но вуылӥзы.

Вераны кулэ, Чулковъёсты ёросазы ортчись трос мукет ужрадъёсысь но пумитаны луэ. Кылсярысь, 2017-тӥ арын соос «Молодая семья» ёрос конкурсэ пыриськыса, «Самая позитивная семья» номинациын вормисе потӥзы.

(Ульяна но Андрей Чулковъёслэн семьяенызы тодматом газетмылэн вуоно номеръёсаз).

Туспуктэм вылын: Ульяна (паллянысен буре), Давид, Андрей, Марк но Дарья Чулковъёс.