Арлыдоослы центр ужа

Татын «Организация активной жизенной позиции пенсионеров и ветеранов Калтасинского района» проект улсын «Активное и здоровое долголетие» центр кылдытэмын. Со кылем арын шуркынмон толэзе усьтӥськиз, «Победа» кинотеатрлэн кыкетӥ этажаз интыяськемын.

Проект Башкортостанлэн тӧроезлэн грантэз улсын быдэстӥське. Калтасы ёросын арлыдоос понна трос ужрадъёс ортчо. Отчы Бадӟым Туганеево гуртын улӥсьёс но пырисько.

«Организация активной жизенной позиции пенсионеров и ветеранов Калтасинского района» проект сярысь Башкортостанысь правительстволэн заседанияз но веразы. 

«Башкортостанын 900 сюрслэсь трос арлыдоос уло. Республикалэн тӧроезлэн Радий Хабировлэн ӵектэмезъя, соос понна 2020-тӥ арысь коньывуон толэзьысен «Башкирское долголетие» проект быдэстӥське, - вераз заседаниын регионысь семьяя, ужъя но калыкез улонын утёнъя министр Ленара Иванова. – Арлыдоосын тужгес азинлыко ужало Калтасы, Мишкино, Краснокама, Куюргазы, Янаул но Архангельской ёросъёсын. Арлыдоослы чаклам центръёс ёросъёсысь, гурт ъёсысь  ветеранъёслэн Кенешъёссылэн чектэмзыя кылдытэмын».

Премьер-министр Андрей Назаров республикаысь мукет муниципалитетъёсын но таӵе проектъёсын пайдаяськыны ӵектӥз.

Фото: Зульфира Гареева-Минляхметова