Шаермес утисьлэсь корка котырзэ тазатӥзы

Гурт калык соослы котыр ласянь юрттэт возьматыны тырше. Кылсярысь, гуртоос гуманитарной юрттэт люкало, окопе нимысьтыз свечаос дасяло. Нош туннэ, дасэтӥ мае, Бадӟым Качак гуртын улӥсьёс нимысьтыз военной операциын шаермес утисьлэсь корка котырзэ тазатӥзы. Угось кузёзэ огназ возьмась юртэз туэ тулыс утялтӥсь ӧз луы. Соин шаермес утисьлэн бускельёсыз пиосмуртлэсь корка котырзэ жуг-жаглэсь, куасьмем писпуослэсь тазатӥзы, кенерзэ тупатӥзы, нош кышномуртъёс корка пушъёссэ но миськизы. Табере чылкыт но югыт луэм корка кузёзэ тазалыкен дораз возьма, нош калыклы тау кылъёссэ вера, дыр.