Радий Хабиров Ишимбай ёросысь Торатау гурезь вӧзысь этнокомплексэн тодматскиз

Этнокомплекс куать башкир юртаослэсь сылэ. Соос пӧлысь тужгес бадӟымаз кафе интыяськемын. Отын 40 адями шутэтскыны быгатэ. Мукет юртаын интыысь кибашлыослэн киосынызы лэсьтэм синпель кузьымъёс вузасько. Кибашлыослэн верамзыя, туристъёс соосты шумпотыса басьто. Куинетӥез юрта историко-культурной центр выллем луоз. Со куноосты башкир калыклэн сям-йылолъёсыныз тодматоз. Презентациосъя залын конференциос но мукет со выллем ужрадъёс ортчозы. Кыкез юрта куноослы шутэтскыны чакламын. «Сюлэм шумпотэ, туристической объектъёсты азинтыны быгатӥськомы ке, - вераз Радий Хабиров. – Торатау азьвыл но трос калыкез бордаз кыскиз. Нош таӵе воштӥськонъёс луэм бере, соослэн лыдзы шӧдскымон йылоз на».

Фото:пресс-служба Главы РБ