Вылысь Тыхтемын тунсыко йылолзы вань

Вашкала дыръёсы Вылысь Тыхтемысь калык Быдӟымналэз та гурезь йылын пумита вылэм. Отын соос, ӵошен люкаськыса, ӝук но курегпуз пӧзьтӥллям.  Собере гуртысьтызы куриськисьсы Инмарлы вазиськылэм. Берло куриськем ӝукез ваньзы ӵош сиилям.

Жаляса верано, туннэ нуналэ тыхтемъёслэн та йылолзы вунэмын. Калык Быдӟымнал гурезьын праздникез уг пумита ни. Озьы ке но, культура удысын тыршисьёс арлы быдэ Быдӟымнал празднике гурезь йылэ курегпуз питыртыса шудыны тубало. Туэ но гурезьзы мӧзмыса ӧз улы. Сое задор нылпи куараос шулдыртӥзы, нош ик курегпузъёс питыразы.

 Фото: Верхнетыхтемский сельский дом культуры