Алтауын тулыслы сӥзем ужрад ортчиз

Алтауослэн ужрадзы тулыслэн вуэмезлы сӥземын вал. Угось та вакытэ котыр улос вожектэ, гуждоръёс пӧртэм тусъем сяськаосын шобыртско. Таӵе дыръя мылкыд лӧптэ, ваньзэ чеберзэ гинэ адӟем но лэсьтэм потэ. Соин ик гуртысьтызы клубысь культорганизатор И.Б. Шарафутдинова нылпиослы тулыс сяськаосты суреданы ӵектӥз. Ужрадэ пыриськись пиналъёс акварель краскаосын синмаськымон суредъёс лэсьтӥзы. Ужъёссы тулыс куазь выллем яркытэсь пӧрмизы.

Фото: Алтаевский сельский клуб