Ренат Галямшинэз буре вайыса писпу мерттӥзы

Жаляса верано, ӧз кылды солы котырес лыдпуссэ пусйыны. Озьы ке но Ренат Биктимирович тулыспалэ но, оштолэзе но трос калыкез котыраз люканы быгатӥз. Тулыспалэ солы сӥзем ӝыт ортчиз. Нош толон, 27-тӥ оштолэзе, дано удмуртэз буре вайыса, Вылысь Татышлыын «Зелёная Башкирия» акция улсын трос писпу мерттӥзы. Ужрадэ Ренат Биктимировичлэн Рустам пиез но пыриськиз. Кужмо будӥсь писпуос шоры учкыса, калык котьку  Ренат Биктимировичез буре ваёз, солэсь спортын, гурт удысын, калыкез огазеянын вормонъёсыз сярысь вералоз.