Башкир кылын диктант гожтозы

Ӵукае, 27-тӥ апреле, таӵе ик ужрад радъялозы башкир кылын. «Международный диктант по башкирскому языку — 2024» акцие котькуд мылкыд карись адями пыриськыны быгатоз. Со понна нимысьтыз площадкаос ужалозы. Кылсярысь уфаос понна площадкаос: М.Акмулла нимо БГПУ, БР-ысь Национальной музей, БР-ысь Кун Собрание-Курултай, «Йәшлек House» егитъёслэн юртсы, Ахмет-Заки Валиди нимо йӧскалык библиотека, Уфаысь многопрофильный профессиональный колледж, Уфаысь торгово-экономический колледж, Институт истории, языка и литературы УФИЦ РАН, «Патриот» военно-патриотическом парк, «Торатау» Конгресс-холл.