Уфаысь «Торатау» конгресс-холлын «Трезвое село» ужрад ортче

Отчы туэ республикамылэн пӧртэм ёросъёсысьтыз 52 гуртъёс пыриськизы. Конкурслэн муниципал этапаз 1070 заявкаос вуэмын вал. Бурай ёросысь Алтау гурт но соос пӧлын луиз. Ёросазы вормисе потыса, алтауос республика этапын кужымзэс мертазы. Конкурс улсын трос ужрадъёс ортчытэмын вал. Соос гурт калыкез одӥг семьяез выллем огазеязы. Огъя уже котькуд адями аслэсьтыз пичи ке но люкетсэ пыртыны тыршиз.

Туннэ конкурсын вормисьёс тодмо луозы. «Крупные населённые пункты» номинациын вормисе потэм гурт куать миллион манетлы кузё луоз. Нош «Большие населенные пункты», «Средние населенные пункты», «Малые населенные пункты» номинациын вормисьёс – вить, ньыль но куинь миллион манет тыр коньдон утозы. Торжественной награждение 15.00 часын кутскоз.  

Тодады вайытӥськом: «Трезвое село» конкурс республикаын 2011-тӥ арысен ортче. Башкиръёслэн быдэсдунне курултайзылэн кичӧлтэмезъя, конкурс 2019-тӥ арын выльысь «улӟиз». Туннэ нуналэ «Сазь гурт» нимез нулло 39 гуртъёс. Соос пӧлын – 2022-тӥ арын «Большие населённые пункты» номинациын вормисе потэм Татышлы ёросысь Улысь Балтач гурт. Конкурсын вормыса басьтэм вить миллион манет тыр коньдонэн Улысь Балтаче спорт площадка усьтэмын.

Фото:Бураевский район Республики Башкортостан