Солэн кылъёсызъя, вашкалаос музъемлэсь кизьыны потыны дась луэмзэ курегпузэн эскеро вылэм. Озьыен, гуртын улӥсьёс бусыетӥ курегпуз питыръяллям. Та выллем йылолэз быдэстыны гуртысь гажано адямилы – старейшиналы оскиллям. Со тужгес но чебер дӥськутсэ бырйыса, бусые лыктэ вылэм но дасям курегпузэс питыръя. Питрес маке кыдёке сюрес шедьтӥз ке, тулыс бусы ужъёсты кутскыны вакыт вуэм.
Риф Юсупов вашкала йылолэз Ленин нимо племзаводлэн бусыяз эскериз. Курегпузъёс капчиен кыдёке питыразы. Озьыен, Дюртюли ёросын тулыс бусы ужъёсты кутскыны луэ ини.
Риф Сагдатуллович аслаз вотэс бамаз тазьы гожтӥз: «Вашкала сям-йылолъёсты вунэтыны уг яра. Озьы ке но, соосын сэрен гинэ бусы ужъёсты кутыны уг луы. Угось кызьы шуо калыкын, одӥг гужем нунал быдэс арез сюдэ. Та ӟырдыт вакытэ котькуд минута но секунда дуно. Ӧжыт бере кылид яке вазь потӥд ке, тыршыса лэсьтэм ужед емыш уз сёты».
Фото: https://vk.com/yusupovrif?from=search