+28 °С
Салкым
Общество
24 апрель 2024, 04:45
Семья – со кужым, шуд но ваньбур
Котькуд адямилэн улоназ семья валтӥсь инты басьтэ. Семьяез луэм адямилэн малпанъёсыз сазь луо. Со ас азяз юн куронъёс пуктэ, кузпалыз, нылпиосыз, матысьёсыз шудо луыса, каньыл мед улозы шуыса сюлмаське.
Семья – со кужым, шуд но ваньбур
Татышлы ёросысь Вылысь Татышлыысь Светлана но Евгений Минигараевъёслэн семьязы 2005-тӥ арын кылдэм. Янаул ёросысь Вуж Варашысь егит нылэн Бальзюгаысь пияш нырысьсэ 1999-тӥ арын пумиськиллям, Светлана Выль Татышлые эшез доры куное вуылыкуз.
- Татышлы музъеме нырысьсэ лыктыкум ик татысь калыклэн ӟеч сямо, либыт луэмезлы, инкуазьлэн чеберезлы синмаськи, - вера Светлана Вячеславовна.
Бӧрысь Светлана Вячеславовналэн Выль Татышлыысь школаын ужаны мылкыдыз кылдэм. «2002-тӥ арын Выль ар азьын Выль Татышлы школаын ӟуч кылъя но литературая урокъёсты дышетыны кутски», - вера УдГУ-ысь филология факультетын тодон-валан басьтэм дышетӥсь. Нош уж сюресэз солэн Янаул ёросысь Орловка гуртысь шор ёзо школаысен кутскем. Евгений Александровичлэн но нырысетӥ ужан аръёсыз нылпиослы тодон-валан сётонэн герӟаськемын вылэм. Со Бигинейысь школаын дышетэм. Нош та дыре Россельхозбанкын кредитъёсъя менеджер луыса ужа.
Минигараевъёс 2008-тӥ арысен Вылысь Татышлыын уло. Кузпалъёслэн кык пиоссы.
(Быдэсак лыдӟе газетмылэн 17-тӥ номерысьтыз).
