Шудекын "Библионочь-2024" акция ортчиз

Та выллем акцияе Янаул ёросысь Шудек гуртысь модельной библиотека но пыриськиз. Татын ужрад тунсыко но задор мылкыдъем радъяськиз.

«Библионочь-2024» ужрадэз Людмила Садыкова но Людмила Давлетшина усьтӥзы. Соос ик Шудек школаен кивалтӥсьлы В.Ф. Мухаметшинлы люкаськем калыкез пумитаны кыл сётӥзы. Владислав Фёдорович библиотекалэсь калыклэн улоназ бадӟым инты басьтэмзэ пусйиз. Со сяна, ужрадэ культура удысысь сиё-дано ужась К.Ш. Уранбаев но солэн кузпалэз А.Г. Уранбаева пыриськизы. Соос люкаськем калыкез ортчем сюресэнызы, асьсэлэн выжыосынызы тодматӥзы.

Быдэс ӝыт библиотекаын капчи мылкыд поръяз. Люкаськем калык пӧртэм викторинаосын, конкурсъёсын но шудонъёсын кужымзэ мертаз. Озьы ик киужъёсын вырыны яратӥсьёслы нимысьтыз «Ловец снов для начинающих» мастер-класс радъяськиз. Нош туспуктэм лэсьтыны яратӥсьёс «Читаем всей семьёй» фотозонаысь ӧз ик вырӟылэ, дыр.