Нылъёс ошет лэсьтыны дышетскизы

Татын пиналъёс пӧртэм ӧръёсъя  ужазы. Одӥгаз ошет (монисто) лэсьтыны дышетскизы. Татысь дышетӥсьлэн И. Ш. Шакировалэн кивалтэмез улсын соос лулысь-сюлмысь тыршизы.

Вераны кулэ, Улысь Балтач школаысь пиналъёс понна та уж выль ӧвӧл. Ошет лэсьтон борды соос котьку шумпотыса кутско. Калык костюмъёслэн нуналзы азьын но татысь пӧртэм классъёсын дышетскисьёс чебер ошет пӧрмытӥзы. Ужазы коньдон гинэ ӧвӧл, бисер, бирды но мукет со выллем арбериос кутӥзы. Нош бадӟым классъёсын дышетскисьёс школаысьтызы музее вуылӥзы. Отын удмурт калыкмылэсь чебересь дӥськутъёсыз утисько угось.