Муниципал ужасьёсты данъязы

Отын ёросысь егитъёслэн политиказыя но спортъя комитетэн кивалтӥсь А. И. Саляхова ГТО сётэм муниципал ужасьёсты нимысьтыз знакъёсын пусйиз. Шумпотоно, та нуналэ данъям адямиос пӧлын удмурт гурт поселениосын кивалтӥсьёс но луизы. Озьы азвесь гадьпусэн данъязы Шудек но Вуж Вараш гурт поселениосын кивалтӥсьёсты С. Н. Байдуллинэз но Э. М. Минликузинаез. Вераны кулэ, та гурт поселениосын тазалыко улонэн эшъяськись калык улэ. Со ёросын ортчем спорт ӵошатсконъёсын но шӧдӥське. Отысь командаос ӵемысь вормисьёс пӧлын луо.

Фото: ОТДЕЛ МОЛОДЕЖИ И СПОРТА ЯНАУЛЬСКОГО РАЙОНА РБ