Учкымон ужасьёсты данъян грамотаен пусйизы

Интыысь аскивалтэт удысын ужасьёсты пумитаса но ужрадэз усьтыса Калтасы ёрос администрациен кивалтӥсьлэн нырысетӥ воштӥсез А.И. Горев вераськиз. Со вань люкаськемъёсты аспӧртэм праздникен ӟечкылаз но интыысь аскивалтэтлэсь калыклэн улоназ бадӟым инты басьтэмзэ пусйиз.

Со сяна, ужрадын аскивалтэт удысын трос аръёс  ӵоже учкымон ужасьёс  ёросысь Кенешлэн но администрацилэн грамотаоссылы кузё луизы. Кылсярысь, та нуналэ Бадӟым Качак но Бадӟым Туганеево гуртъёсысь старостаосты  А.Г. Апкаримовез но О.В. Диязоваез ёрос Кенешлэн данъян грамотаеныз пусйизы, нош Бадӟым Качак гурт поселенилэн администрациысьтыз ӧнерчиез В.М. Набиеваез ёрос администрацилэн данъян грамотаеныз ӟечкылазы.