Нылпиос нюлэсэз утьыны но гажаны дышетскизы

Тулыс вуэмен калык возьёсы, нюлэсъёсы дыртэ. Шуныт омыр адямиез кырын сӥль пыжыны ӧте.Трос дыръя нылпиос анай-атайёстэк нюлэскын шудыны ярато. Нош пичильтокъёс асьсэды отын шонер возьыны уг тодо. Жаляса верано, пиналъёсын сэрен трос тылпуос кенжо, аръёс ӵоже будэм нюлэс одӥг нуналскын эгырлы пӧрме.

Сыӵе югдурез ӟеч валаса, библиотекарь Ольга Тимиртдинова нылпиослы нюлэслэн пайдаез, солэн дунлыкез но кулэлыкез сярысь вераз. Угось вож нюлэс котыр улослы но калыклы эркын шоканы юрттэ. Со сяна, нылпиос тодӥзы кызьы астэ нюлэскын возёно, малы уг яра писпуосты исаны но тылпуэн шудыны.

Ужрадзы пайдаё ортчиз. Пиналъёс нюлэсэз утьыны но гажаны кыл сётӥзы.

Фото: Малокачаковская библиотека