Калмиярысь культура юртын "Зангари" ансамбль кырӟаз но эктӥз

Татысь учкисьёсты Янаул ёросысь Андреевкаысь «Зангари» вокал-фольклор ансамбль шулдыртӥз. «Арлы быдэ мукет гуртъёсы концертэн потаны тыршиськом, - вера ансамблен кивалтӥсь Ралия Гафиуллина. – Туэ но кӧня ке гуртъёсы вуылӥм ни. Кема ӧвӧл Нанядыысь сцена вылын кырӟам но эктӥм». Андреевкаос Калмияре узыр репертуарен вуиллям. Соос удмурт, ӟуч, бигер кырӟанъёсты кырӟазы, эктӥзы но серемес сценкаос возьматӥзы. Учкисьёс «зангариосты» сцена вылысь кужмо кичабонэн келязы.