Башкортостанысь удмуртъёс «Бадӟым удмурт диктант" акцие пыриськозы

Со 13.00 часын (удмурт дыръя) кутскоз. Диктант котьку сямен лыдӟемын луоз меӵак эфирын "Мынам Удмуртие" радио но "Удмуртия" телеканал пыр. Озьы ик вань мылкыд карисьёс понна нимысьтыз площадкаос радъяськозы. Диктант гожтыны луонлык кылдытэмын Башкортостан Республикаын но. Площадкаосын УР-ысь Йӧскалык политикая министерство тодматэ. Со сяна, диктант гожтозы тросаз школаосын, библиотекаосын. Туэ диктантлэсь текстсэ «Удмурт дунне» газетлэн валтӥсь редакторез Елена Миннигараева дасяз.