Клуб котьку нылпиосты возьма

Гурт калыклэн улоназ клуб но библиотека бадӟым инты басьто. Угось трос дыръя ужын жадем калык та интыосы шутэтскыны вуэ. Сое валаса, культура удысын ужасьёс калык понна пӧртэм ужрадъёс ортчытъяны тыршо. Кылсярысь, Качкинтурай гуртысь клубзы кема гинэ лэсьтӥськон ужъёсын сэрен ворсаськыса улӥз. Нош туннэ нуналэ  клублэн ӧсъёсыз усьтэмын. Табере татчы котькуд нунал сямен нылпиос люкасько.Тани кема ӧвӧл но гуртысьтызы культорганизатор Алина Зидыганова соосын тунсыко шудон ортчытӥз. Та нуналэ пиналъёс кӧттырымон скакалкаен тэтчазы, бызьылӥзы, пӧртэм конкурсъёсын йырвизьзэс сыназы.

Фото: Качкинтураевский-СК Культурный-Центр