Нылъёс чебер монисто пӧрмытӥзы

Монисто лэсьтонъя мастерскойын, кылсярысь, нылъёс И. Ш. Шакирова кивалтэм улсын тыршизы. Татын нылъёс йырзэс ӝутытэк ужазы. Нырысь соос монистолы дасям басмазэс
вандӥзы. Нылъёслэн пӧртэм тусо басмаоссы шоры учкыса ик валамон вал, соослэн ки улысьтызы та нуналэ синмаськымон чеберъяськон пӧрмоз шуыса. Тани Улысь Балтачысь
Ева Гильмаутдинова италмас сяська выллем пиштӥсь ӵуж басмае радэн-радэн яркыт бирдыос вуре. Солэсь ужзэ фестивальын тужгес чеберен лыдъязы но Данъян грамотаен
пусйизы. «Нылъёс ваньзы туж тыршыса ужазы. Котькуд монисто аспӧртэм чебер пӧрмиз. Соин устооссэ быръён туж секытэн сётӥськиз», - вераз Ирина Шарифулловна.