Пинал арганчи конкурсэ пыриське

Соос пӧртэм номинациосъя быгатонлыксэс возьмато. Туэ конкурсэ Вуж Вараш школаысь пинал арганчи Арсений Минигалиев но пыриське. Со «Инструментальной жанр» номинациез бырйиз но гала-концертын учкисьёсты чебер удмурт гуръёсын шулдыртыны малпа. Конкурслэн гала-концертэз матысь дыре ортчоз. Нош отчы пыриськон понна куара сётонын вормоно. Гажано лыдӟисьёсмы, ойдолэ куарамес егит арганчилы сётомы но солы конкурсын азьлань вамыштыны юрттомы.